Jul i stova

Berre nokre veker igjen

No er huset nesten ferdig lista, berre benkeplata manglar på kjøkenet. Trappa kjem no til veka og bad/vaskerom vert også ferdig om eit par veker. Mørenett skal kople til starum og då manglar berre vatn og fiber. Vidare skal omn og pipe monterast, samt at garasja vil nok ta nokre veker til før ho kjem opp.

Flisearbeidet i gang

Flotte fliser frå Montér Zeiner i Tønsberg.

Plating ferdig inne

Då er plating av veggane inne ferdig. No byrjar vi på golva med parkett og flis (hall og uteentré).

Oppstart etter ferien i dag

I kveld kjem snikkarane igjen for å rigge til. I morgon tidleg køyrer Montér ut eit stort lass med byggjevarer som skal inn i huset. Karane skal gjere litt ferdig innvening (plating av veggar og slikt). Neste veke kjem vår eigen kar som skal legge parkett og flise gangen m.m.

Stillaset er nede

No er stillaset demontert og dei har byrja på veggane inne. Skal måle litt i dag, og ta nokre fleire bilete.

Huset er måla (nesten) ferdig

Vi har måla nesten heile huset. 93% har fått éitt strøk og 38% har fått to strøk. Etter 80 liter gjekk vi tome for måling og 50 nye er på veg for å gjere huset ferdig. Merkar at nytt tre (kun grunna) sug mykje måling og at overflata på kledninga er veldig ru å måle på. Har brukt argaste penselen frå Jordan, men han viste seg å vere laga for Austlandskledning (ståande) og til slutt stod busten rett ut til alle kantar. Brukar ein rak og betre pensel neste gong.

No har snikkarane byrja med overbygget ved inngangspartiet. Vert spanande å sjå når huset er ferdig utvendig om ei lita veke eller to.