Status Jula '13

Vi fekk i november beskjed frå kommuna at vi kunne berre byrje å grave. Gravefirmaet stod klare i byrjinga av desember, men entreprenøren (som grev ut byggjefeltet) hadde lagd frå seg ein del masse på tomta. Eg bad dei fjerne ho slik vi fekk stikke ut tomta. Vi fekk då vite at:

1) stikkvegane treng eit lag med pukk før vi kan køyre på dei

2) vår tomt skal ha avløp og vatn frå 'Harry-vegen' noko som tidlegast kjem på plass om eit års tid.

Vi måtte dermed sette heile prosjektet på vent til utpå nyåret, men er bestemte på å vere inne til neste jul. Vi byggjer huset og får heller drite ute til Harry og kommunen er ferdige å sloss.

Kommuna har teikna inn huset i kartverket

Så er huset teikna inn på www.sunnmorskart.no som er kommunane sitt digitale kartverk. Her vert planlagde bygg teikna inn med skraverte felt, medan ferdige bygg er heilfarga oransje.

Svar på byggjesøknad

Då har vi fått svar på byggjesøknaden. Han er i korte trekk godkjend under tre førutsetnader:

1. Støttemur i vest startar 1m over regulert vegnivå.
2. Garasje står 1,7m frå regulert vegareal. Dette er det ikkje søkt dispensasjon om.
3. Grense i vest avsluttast med 45 grader mot veg for offentlege føremål.

Komunen ber oss om å framlegge ny situasjonsplan der punkta over er endra. D har møte med IEC-Hus tysdag 29. oktober. IEC vil kontakte kommunen for å få råd om kva som er naudsynt å endre på. Både tekn.etat og IEC meinte det ville vere fint muleg å få godkjent dette.

Leverandørar

IEC-Hus møtte vi på Gjør din bolig bedre-messa i Ålesund i 2011. Etter mange runder med alle husleverandørane, enda vi opp med IEC, då dei verka faktisk mest interessert i jobben, og gav oss mulegheit til å besøke eit par visningshus. Det å få sjå visningshus var heilt avgjerande for valet av husfirma.

Vi brukar sjølvsagt Optimera som vår faste byggevareleverandør. Dei har kjedene Montér, Byggi og Trend, samt Optimera Proff. Her handlar vi kjøken, bad, golv/parkett, veggplater samt alt av tyngre byggevarer som ikkje er med i leveransen frå IEC-Hus.

Garasja kjøper vi av IEC-Hus, men det er ei garasje frå Grimstad-garasjene. Ho er 7x7m, med takvinkel på 27 grader.


Finansiering tek Nordea seg av, Tussa leverer byggjestraum og If Skadeforsikring tryggar prosessen på vår side.

Elles skal Tussa Installasjon stå for elektrisk arbeid, Brændes Rørleggjarforretning ordnar VVS. Vidare skal Berknes Maskin grave tomta og Volda Byggservice støyper grunnmur og plate. Dei to sistnemnde har ikkje nettside.

Skal liste opp fleire leverandørar etterkvart som dei kjem til (trapp, tak, golv, golvvassvarme m.m.).

Tomta

Vi har tomt i eit nytt byggjefelt like over sentrum, med utsikt til fjord og fjell. Dette biletet er teke 100m frå tomta vår.Vi er særs nøgde med utsikta.

Desse bileta er frå tomta:

Teikningar

Då har vi starta bloggen. I skrivande stund er byggjesøknaden inne hjå kommuna, så vi kryssar fingrane for at alt går bra og at vi kan ta til med byggjinga i oktober.

Her er teikningane av huset vårt, som uhøgtidleg har fått prosjektnamnet "Gardenheim".